ജയം

കാലപൂരുഷ! നീയേകീ
നോവുകള്‍ക്കൊക്കെ നാവുകള്‍
ഗദ്ഗദം വല കെട്ടുന്ന
കണ്ഠത്തില്‍ പ്രാണ ധാരകള്‍!
നിലയ്ക്കാതെ കുതിക്കൊള്‍വൂ
നിന്‍ പദാഹതിയേല്‍ക്കവേ
ചുര മാന്തിടുമസ്വസ്ഥ-
ധീര യൗവ്വന സാഹസം!
മുള പൊട്ടിയ നേരിന്റെ
താഴ് വാരങ്ങളിലിന്നിതാ
മുരിക്കുപോലെ പൂക്കുന്നൂ
മൂടിയോരസ്ഥിപഞ്ജരം;
കാണെക്കാണെ വളര്‍ന്നൂഴി-
വാനം തൊട്ടതു നില്‍ക്കവേ
കിടിലം കൊള്‍കയാം ചെങ്കോല്‍,
കിരീടങ്ങള്‍ തെറിക്കയാം!
അഭയംകൊണ്ടുണര്‍ന്നേറ്റ
ശക്തിതന്‍ ചണ്ഡവാതമായ്
അസത്യവാഴ്ച്ചതന്‍ തായ് വേ- .
രറുക്കും ചോദ്യശീലമായ്
പ്രളയംപോല്‍ ദിഗന്തങ്ങള്‍
മുട്ടി നില്‍ക്കും വെളിച്ചമേ,
ഇന്ത്യതന്‍ നെഞ്ചില്‍നിന്നൂറി
ജ്വലിക്കും ജീവരക്തമേ,
നിനക്കു നന്ദി ചൊല്ലട്ടേ
നിതാന്ത പുളകത്തൊടെ
നിന്നാല്‍ സനാഥരായ്ത്തീര്‍ന്ന
ഞങ്ങളമ്പതു കോടികള്‍!

വിഷ്‌ണുനാരായണന്‍ നമ്പൂതിരി

അക്ഷരങ്ങളുടെ മഹാകവിക്ക്, മഹാനായ അധ്യാപകന് അടയാളത്തിന്റെ കണ്ണീർ പ്രണാമം

18 thoughts on “ജയം

  1. Эта статья полна интересного контента, который побудит вас исследовать новые горизонты. Мы собрали полезные факты и удивительные истории, которые обогащают ваше понимание темы. Читайте, погружайтесь в детали и наслаждайтесь процессом изучения!
    Получить больше информации – https://quick-vyvod-iz-zapoya-1.ru/

Leave a Reply

Your email address will not be published. Required fields are marked *

error: Content is protected !!