ആരോപിതൻ

പിന്നെ ബാക്കിയുണ്ടായിരുന്നത്
കുറച്ചു വെടിയുണ്ടകൾ മാത്രമായിരുന്നു.
പിന്നെ കുറെ ചീത്തപ്പേരും.
മർക്കടമുഷ്ടി , മഹാത്മാവ്,
ഏകാധിപതി, തിരുത്തൽവാദി.
തോറ്റുപോയ അച്ഛൻ, നഗ്‌നനായ ഭ്രാന്തൻ
പ്രകൃതിവിരുദ്ധൻ, ജാതിക്കോമരം
എല്ലിൻകൂടിലെ ഹുങ്ക്.

ഒക്കെകേട്ടുകഴിഞ്ഞ പിണ്ഡം പറഞ്ഞു.

തർക്കത്തിനൊന്നുമില്ല രാമാ.
മറുചെകിടുകൂടി കാണിക്കാം, നീട്ടിയടിച്ചോളൂ.
ബാക്കിവന്ന വെടിയുണ്ടകളും
ചേർത്തുപിടിച്ച് ഞാനിവിടെ കിടന്നോളാം
മിണ്ടാതിരുന്നോളാം.